Etablering og vekst.
Etablere eller vekse i Herøy?
Vi skal påverke og legge til rette for å auke talet på arbeidsplassar og bedrifter i tillegg til auke i heilårsturisme. Vi er bindeleddet mellom næringsliv, kommune, verkemiddelapparatet m.m. og skal aktivt leite etter, og ha kunnskap om, samarbeidsprosjekt og støtteordningar, og formidle vidare til næringsdrivande og gründerar.
Offentlege støtteordningar
HOPPID.NO
Går du med gründerplanar? På hoppid.no-kontora får gründeren gratis råd og rettleiing, tilbod om kurs og opplæring, råd om tilskot og finansiering og hjelp i søkjeprosessar og til nettverksbygging. I tillegg legg hoppid.no til rette for knoppskyting i næringslivet og for entreprenørskap i skulen.
Dette er ROBERT VOLDNES - seniorrådgjevar i ÅKP AS
Han er hoppid.no-kontakt for Herøy kommune og tek gjerne ein prat med deg som går med planar om å starte for deg sjølv.
Ta kontakt:
robert.voldnes@aakp.no
Les meir her om oppstartsprogrammet:
https://hoppid.entreprenerdy.com/apply
INNOVASJON NORGE
Innovasjon Norge skal bidra til nyskaping i næringslivet, berekraftig vekst og eksport for konkurransedyktige norske bedrifter, og utvikling i distrikta. Innovasjon Norge profilerer norsk næringsliv og Norge som reisemål.
NORGES FORSKNINGSRÅD
Forskningsrådet jobbar for eit samfunn der forsking blir skapt, brukt, utfordra, verdsett og delt av alle slik at det faktisk bidrar til omstilling og eit meir berekraftig samfunn.
REGIONALE FORSKNINGSFOND
RFF Møre og Romsdal er eit ordning for å styrke forskingsevna i Møre og Romsdal gjennom tilskot til forskingsprosjekt og mobilisering til auka FOU-innsats. Det er Møre og Romsdal fylkeskommune som forvaltar ordninga.
SIVA
Selskapet for industrivekst – er eit statleg føretak som utviklar, eig og finansierer ein nasjonal infrastruktur for innovasjon og næringsutvikling som består av inkubatorar, næringshagar, katapult-senter, innovasjonsselskap, samt innovasjonssenter og industribygg.
ÅKP
Heile Sunnmøre sitt innovasjonsselskap og leiande leverandør av tenester for entreprenørskap, innovasjon og nettverksbygging.
“Ved oppstart fekk vi god hjelp av Hoppid.no.”
— Søre Sunnmøre Gravferdsbyrå AS
